Ávallt í eigin heimi

já já já. Asskolli átti ég góð jól. Fékk þessa fínu pakka og æðislegan mat og allt hreinlega dásamlegt.
Hinsvegar setti smá strik í reikninginn að ég tognaði frekar illa í klifrinu á föstudaginn sem gerði það að verkum djammhelgin ógurlega sem var plönuð breyttist í Lotr maraþon heima í sófa.

Þannig ég fór í nudd til sadistans míns í morgun sem var ægilega gott/vont. Tognunin var nefnilega komin úr hálsinum og farin að teygja sig niður í rófubein og aftanverð lærin… ég ákvað að stoppa þetta áður en þetta næði niður í tær og færi að koma upp aftur á framanverðum líkamanum. Nuddarinn hamaðist á vöðvunum og alltaf þegar hann fékk “já” við spurningunni “aum hér?” þá tók hann því sem “já nenniru að berja mig þarna í svona 20 mín”. En ég er aðeins betri – soldið aum – en vonandi verð ég eins og nýslegin Evra á morgun.

Síðan fór ég í gær og sótti um að verða blóðgjafi. Þetta eru engin smá inntökupróf þarna blóðbankanum. Maður er yfirheyrður í bak og fyrir og ég lenti í hálfgerðum vandræðum með að muna sjúkrasöguna mína. Þurfti að hringja símtöl til að komast að sannleikanum um sjálfa mig og leið eins og ég væri í munnlegu prófi að rifja upp allar bólusetningarnar sem ég hef fengið. Í flestum tilfellum þykir fólki til dæmis sæmilega til þess koma að maður hafi farið alla leið til Afríku – en í Blóðbankanum þykir það eiginlega bara ekkert merkilegt – það er eiginlega bara frekar glatað og stórhættulegt gagnvart heilbrigðu blóði. Ég stóðst samt fyrri hluta inntökuprófsins og fékk að gefa blóð í prufu sem verður svo skimuð og skönnuð og sé hún í lagi þá má ég koma og gefa alveg dópíu af blóði. Ég er að vona að ég sé AB blóðflokkur – það væri ægilega töff. Svo gaman að vera einstakur í þessum heimi.

Síðan frétti ég að það er hægt að fá 0.9 lítra bjór í nýlenduvöruverslun hemma og valda (kaffihús) á 800 kall þannig maður verður að drífa sig að smakka þann bjór. Svo er ég komin á þá skoðun að í Ríkinu á Snorrabraut er að finna mjög ljúffengar pítsur bakaðar á staðnum.

Svo er ég bara ægilega kát og funheit bara. Það fer að líða að áramótapistli og ég er að spá í að taka bara massa trúnó í þeim pistli… það er allavega nóg af bjór í kælinum til að ýta undir það.

Hasta la pasta

Ógiisslega gleðileg jól skiljiði! Njótið dagsins

hvað er málið með límið sem sér um að halda borðunum saman í rúllu! Rólegir á tonnatakinu … það er hálf rúllan ónothæf því hún er klesst í einhvern riiiisa límmiða! WTF!!!

En á öðrum nótum….

jólagjafir – checked
innpökkun – checked
jólatré – checked
þrífa – checked
jólabóla – checked
bjór – checked
last christmas með Gogga Mikks – í spilaranum – checked
hreint á rúminu – checked
lax – checked

allt klárt … jólin mega koma – BRING IT ON!

Það var ekki til súkkulaði ísinn frá Ekta ítölskum í Bónus. Ég varð frekar brjáluð og lýsi yfir miklum vonbrigðum með bæði Bónus og Ekta ítalska ísfyrirtækið og í raun bara súkkulaði líka!
Þetta var það eina sem ég ætlaði að leyfa mér að spreða peningum í fyrir jólin og vonbriðgðin urðu gríðarleg þegar mér varð ljóst að ekki var til súkkulaði tegundin.

Þetta setti mig alveg út af laginu. Aðrir hlutir sem pirra mig þessa dagana eru eftirfarandi:

*Ilmvatnsauglýsingar – það þurfa allir að tala svo sensúal í þessum auglýsingum að það skilst ekki orð af því sem þetta lið er að segja.

*N1 auglýsingin – stöndum vörð um Ísland með því að versla við N1 … dónt fatt it.

*Hitabylgja 2 dögum fyrir jól

*”Röðin” á Kaffibarnum

*Fólk sem gefur ekki stefnuljós á leið út úr hringtorgi

*Framsóknarflokkurinn

*Stöðurafmagn – alveg komið gott af því

*Ógeðslega pirrandi límband sem klessist á allt og skemmir alla fínu jólapakkana mína

* og eins og alltaf – the one and only pirringskveikja – lagið Just the way you are með Billy Joel!

Annars er ég alveg þrusugóð bara

ókídókí.

nú er ég að skrifa ritgerð um e-rjar skvísur í þriðja heiminum í Afríku og skort á þátttöku þeirra í lýðræðisþróuninni þar á bæ. Núh…. úti snjóar og klukkan er korter í jól. Ég lít svo á málið að þar sem Afríka er ekkert að fara taka nein stór stökk í átt að skilvirku lýðræði á næstu dögum og það er svo rosa kósý snjókoma og ég var að taka lagköku úr frystinum þá getur ritgerðin beðið meðan ég fer að jólast.

Þannig … Afríka þú verður bara að bíða eftir lausn vandamála þinna þar sem ég farin að pakka inn jólagjöfum og hlusta á Wham

I just want to liiiiiiiiiive!

Jæja. Í gær tók ég mig til og jólaskreytti Mánann minn. Ég komst í svo mikið jólaskap við bökunarilminn heima hjá mömmu að ég taldi mér ekki lengur til setunnar boðið. Dró upp skrautið og nú hafa jólin formlega ælt yfir heimilið mitt.

Í fyrra skrifaði ég þessa jólafærslu þar sem ég rifjaði meðal annars upp bréfaskriftir sem ég átti við jólasveinana sem ég greinilega dýrkaði meira en nokkuð annað. Ég renndi aftur í gegnum bréfin mín í gær mér til mikillar skemmtunar. Mest fannst mér þó fyndið að ég hef greinilega verið með e-ð speglunar-syndrom því ég skrifaði nánast alla tölustafi öfuga, eða speglaða, og einnig J-in. Man líka að ég skrifaði alltaf með röngum halla – semsagt skriftin hallaði til vinstri en ekki hægri. Mar er svo spes.

Allavega. Valdi tvö bréf til jólasveinanna til að birta hér. Það fyrra finnst mér sætt því ég átti einu sinni hamstur sem hét Pollý og greinilegt að ég vildi ekki að hún færi varhluta af jólunum.

Kæri jólasveinn

Viltu gefa hömstrunum tvem á gólfinu eithvað í skóin. (bara ostbita eða eithvað)

Mig grunar að hinn hamsturinn hafi verið Hannes eða Dollý, hamstrar vinkvenna minna, sem voru stundum hjá mér í næturpössun.

Seinna bréfið fannst mér ægilega fyndið líka því ég man hvað mér var það mikið í mun að allir jólasveinarnir fengju gjafir. Stundum kom það fyrir að þeir gleymdu að taka gjafirnar (örugglega þau skiptin sem pabbi sá um að gefa í skóinn) og þegar það kom fyrir skrifaði ég iðulega harðorð bréf enda ekki sérlega sátt við að skipulaginu væri riðlað til með þessum hætti.

Hæ hann stekjastaur gleymdi gjöfinni sinni í gær. Getur þú látið hann fá sitt og þú tekur þitt og allir fá eithvað.
Jóhanna

Allavega… einu sinni kjáni ávallt kjáni